Тоқтап қалған кәсіпорындар тізімі

Әлеуетті инвесторлар назарына!
инвестиция тарту мақсатында, келесі ақпарат жарияланады
Ақтөбе облысында тұрып қалған кәсіпорындар саны – 13. Оның ішінде: Ақтөбе қ. – 8 («МТС-Трактор» ЖШС, «Эдеми» ЖШС, «Ак Руно» ЖШС, «Ақтөбе Әйнек» ЖШС, «Актюбсельмаш зауыты», «АктобеСтройИндустрия» АҚ, «ЖАН-АМИ и К» ЖШС, «Хобаспайпс Казахстан» ЖШС), Хромтау ауданында – 2 ( «Ақтөбе нан өнімдері зауыты» ЖШС, «Керамика» АҚ), Әйтекеби ауданында – 2 («Казкуппер» ЖШС, «Текшетас компаниясы» ЖШС), Мәртөк ауданында – 1 («Алгабас» ЖШС).
2017 жылдың бірінші жартыжылдығының қорытындысы бойынша, 3 тоқтап тұрған кәсіпорын базасында ( «МТС Трактор» ЖШС, «Алгабас» ЖШС, «Эдеми» ЖШС) түрлі өнімдер мен қызметтерді өндіру бойынша жұмыстар басталды (темірбетон сақиналары, плиткалар желімі, сүт өнімдері өндірісі және т.б.)
Сонымен қатар, әрбір кәсіпорын бойынша жеке-жеке тоқталып өтсем:
«МТС Трактор» ЖШС
Ауылшаруашылық техникасын құрастыру және жөндеу бойынша 1974 жылы компания құрылды. Қазіргі таңда «МТС «Трактор» ЖШС зауыты оңалту рәсімінен өтуде. Зауыт басшылығы басқа кәсіпорындармен бірлесіп, зауытты жаңғырту, жаңа бизнес процестерін жылжыту мен орнату бойынша жұмыстар жүргізуде. Кәсіпорынның балансында 66 бірлік техника мен машиналар бар, олардың 50% -ы қалыпты тәртіпте, қалғаны қалпына келтіру процесінде. «Fortebank» АҚ банкінің кепілінде тұр. Бүгінгі күні «МТС Трактор» ЖШС басшылығымен бірлескен жұмыс арқасында зауыт аумағында келесі бизнес-жобалар іске асырылды:
1. «МТС Трактор» ЖШС өндірістік базасында «Электрометаллургия» ЖШС-мен бірлесе отырып, Ақтөбе облысының өңдеуші және металлургиялық өндірістерінен қалдықтарды және қымбат бағалы қорытпалардың төменгі тонналық өндірісін өндіруге арналған ғылыми-зерттеу қызметтерін ұсыну үшін өндірістік процесі ұйымдастырылды.
2. Зауыт аумағында темірбетонды сақиналар өндірісі жасалды, желім плиткаларын өндіру бойынша ашық шеберханалар ашылды, сонымен қатар болашақта осы цехта кеспе кірпіш, бордюрлер және плитка өндірісі жоспарлануда.
«Актобе Строй Индустрия» АҚ
«Ақтөбе Строй Индустрия» АҚ ұялы бетон өндірісі бойынша зауыт 2005 жылы құрылды. Өндірістің жылдық көлемі 170 мың текше метр автоклавты газдалған бетон болып табылады. Барлық қажетті инфрақұрылым, неміс фирмасының «MasaHenke» құрал-жабдығы бар.
Кәсіпорын 2010 жылдан бері жұмыс істемейді, иесі - «Қазақстанның инвестициялық қоры» АҚ.
Кәсіпорынның құны: 4,8 млн. АҚШ долл., әкімдік өкілдерімен өткен кездесуден соң жобаны қажетті қаржыландыру 2,5 млн. АҚШ долларын құрады.
Әлеуетті инвесторларды іздеу жұмыстары жалғасуда.
«Алғабас» ЖШС
"Алғабас" ЖШС бұрынғы Мәртөк май зауытының базасы негізінде 2002 жылы қалыптасқан. Жоғары бәсекелестікке және облыс аумағында жартылай ет фабрикаттарын өндіру бойынша ұсақ цехтарының ашылуына байланысты, кәсіпорын өндірістік қызметін 2012 жылдан бастап тоқтатты. Қажетті инфрақұрылымның барлығы бар. Қазіргі уақытта, зауыт аумағында " ТД Алғабас " ЖШС оттегі әзірлеу бойынша кәсіпорны жұмыс істеуде.
Сондай-ақ, төмендегі алаңдар жалға берілді:
-"Агрофирма Тау" ЖШС сүт дайындау үшін;
-қосымша ет өңдейтін ет дүкені;
-«чечил» ірімшігін өндіру үшін.
«Хобас Пайпс Казахстан» ЖШС
"ХобасПайпс Қазақстан " ЖШС шыны талшығының полиэфирымен нығайтылған құбырлар мен фитингтер шығаратын зауыты 2003 жылы "2002-2010 жылдарға арналған ауыз су" салалық бағдарламасының орындауына жәрдемдесу мақсатында салынды.
Кредиторлық берешегінің пайда болғанына байланысты, кәсіпорынның мүлікті иелену құқығы "Казкоммерцбанк" АҚ теңгеріміне берілді. Осы мүлікті алған сәттен бастап, Банк әлеуетті сатып алушыны іздеу бойынша іс-шаралар жүргізуде. Инвесторлар қызығушылығының төмендеуінің негізгі себебі осы өндірістік цехтың жоғары бағасы болып табылады (650 млн. теңге). Қазіргі уақытта, Банк Алматылық әлеуетті инвесторымен келіссөздер жүргізілуде.
«Ак руно» ЖШС
"Ак Руно" ЖШС жүн өндірісі бойынша кәсіпорны (бұрынғы "ПОШ фабрикасы") 1985 жылы құрылды. Уақыт өте, технологиялық прогресс осы кәсіпорынды да қозғап, шығаратын өнімдер нарықта сұранысқа ие болмай қалды.
Индустрияландыру картасы аясында тұрып қалған фабрика базасында 2011 жылы "ШИМ" ЖШС "КЛО салу, көкөніс терминалын құру" инвестициялық жоба жүзеге асырылды. 2014 жылы осы аумақта жалпы алаңы 12,0 мың ш.м. құрайтын 4 қоймалық бөлме және "Алихан" спорттық-сауықтыру орталығы салынды.
Ағымдағы жылдың сәуір айында "Ак-Руно" ЖШС " Ақтөбе облысының дене шынықтыру және спорт басқармасы" ММ-не және Ақтөбе облысының кәсіпкерлер палатасына Ақтөбе қаласында көлемі 10,5 мың ш.м. құрайтын 5 алқабынан тұратын "Спорт кешенін жалға алу" жобасы бойынша сараптамалық қорытындыны алу құжаттарын тапсырды.
Қазіргі уақытта, бұл сұрақ Экономика және бюджеттік жоспарлау басқармасында келісу сатысында.
Жедел сараптамалық қорытынды алынған жағдайда "Ак-Руно" ЖШС 2017 жылдың соңына дейін нысанды пайдалануға тапсырады.
«Ақтөбесельмаш» зауыты
«Ақтөбесельмаш» зауытында бұрын шамамен 5000 адам жұмыс істеген. Зауыт ауыл шаруашылығына арналған өнімдер шығарған: кесу техника, жемшөп үлестіргіш, қойларға арналған құрастырмалы қошар конструкциялары және т. б.
Бұрынғы «Ақтөбесельмаш» зауытының аймағында 10-ға жуық әр түрлі компаниялар мен өндірістер орналасқан, оның ішінде:
1) картон шығаратын («Эконика» ЖШС);
2) көбікті пластик шығаратын («Домострой» ЖШС);
3) сүт және сүт өнімдерін өндіру («Молочные истории» ЖШС);
4) оқу орындары (Ақтөбе қаржы-экономикалық колледжі); дүкендер және т. б.
Мемлекеттік - жеке меншік әріптестік шеңберінде, осы ғимаратта қалалық бизнес-инкубатор ашылу мүмкіндігі қарастырылуда, оның ішінде өңірдің 10 кәсіпорындар жұмыс істеуге дайын.
Сонымен қатар, түрік инвесторларымен келіссөздер жүргізілуде.
«Ақтөбе нан өнімдері комбинаты» ЖШС
«Ақтөбе нан өнімдері комбинаты» ЖШС - астықты сақтау және қайта өңдеу саласында жұмыс істейтін Ақтөбе облысының ірі кәсіпорны. Негізгі қызмет түрі - астықты сақтау, сондай-ақ дайын өнімді шығару және өткізу– нан пісіретін жоғары, бірінші және екінші сортты бидай ұны. 2012 жылда кәсіпорынмен макарон өнімдерін шығару бойынша макарон фабрикасын салу жүзеге асырылды. Макарон өнімдері макарон бұйымдары өндірісінің жаңа әлемдік стандарттарына сәйкес, «Pavan» (Италия) фирмасы технологиясы бойынша шығарылады.
Кәсіпорын айналым құралдарының болмауына, ЖШС-не және құрылтайшыларға қарсы сот процестеріне байланысты тоқтап тұр. Қазіргі таңда нысан «Еуразиялық банкі» АҚ кепілдігінде тұр.
Сонымен қатар, Еуразиялық банкпен бірлесіп, компанияның жобалық қуатқа шығару үшін Жол картасы жасалды.
Қазіргі уақытта элеватор, диірмен және «Ақтөбе нан өнімдері комбинаты» ЖШС макарон зауытының жұмысын жандандыруға қабілетті әлеуетті инвесторлармен келіссөздер жүргізіліп жатыр.
«Жан-Ами и К» ЖШС
«Жан-АМИ және К» ЖШС жылына 40 мың тонна ЖЖМ шығаратын химиялық өнімдер мен мотор отын өндірісі шағын-зауыт. Нысан 2016 жылдың екінші жартысында іске қосылды.
2012 жылы «ТДҰА» АҚ «Жан Ами и К» ЖШС-мен «Жан Ами и К» ЖШС-нің үлес жазылысы Келісіміне және Құрылтай шартына қол қойды. Құрылтай шартына және Келісімге сәйкес жарғылық капиталға қатысады: «Жан Ами и К» ЖШС 51% және «ТДҰА» АҚ 49%. «ТДҰА» АҚ-ның жобадан шығуы 1.08.2015 жылдан 31.07.2019 жыл кезең аралығында қаралды. Осыған орай, «ТДҰА» АҚ Директорлар кеңесінің 29.12.2015 ж. күндізгі отырысының №13 хаттамасына сәйкес 1.03.2016 ж. «ТДҰА» АҚ мен «Жан Ами и К» ЖШС арасында «ТДҰА» АҚ-ның үлесін сатып алу-сату шарты жасалды. Бірақ, «Жан Ами и К» ЖШС бүгінгі күнге дейін «ТДҰА» АҚ алдында өз міндеттерін орындаған жоқ. 2017 жылы 18 шілдеде «ТДҰА» АҚ тарапынан «Жан Ами и К» ЖШС мүлкі мен есепшоттарына тыйым салынды. Сот талқылаулары жүргізілуде.
«Компания ТекшеТас» ЖШС
«Компания Текше Тас» ЖШС қиыршық тас өндіруге арналған зауыт. Зауыт 2010 жылы пайдалануға берілді. «SANDVIK» швед компаниясының жабдықтарымен қамтамасыз етілген. Компанияға мемлекеттен қолдау көрсетілмеген. 2016 жылдан бастап зауыт өндірісті тоқтатты.
Тұрып қалудың негізгі себептері:
· - ЕДБ ірі қарызы есебінен, дайын өнімнің сату бағасы жоғары болуынан;
· - өнімге сұраныстың болмауы.
Қазіргі уақытта компания «Теңізшевройл» ЖШС-нің мердігерлерінің бірі - «Kazpaco» ЖШС-мен келіссөздер жүргізуде, бұл компанияны толық қуаттылықпен жүктеуге мүмкіндік береді. Сондай-ақ, компания «Қазыбек-2013» ЖШС-мен Қазақстанның батыс аймақтарына құрылыс қиыршық тасын жеткізуге келісім-шарт жасасу туралы келіссөздер жүргізуде.
«KazCopper» ЖШС
«KazCopper» ЖШС кен өңдеу және катодты мыс өндіру кешені. Кешеннің бірінші кезегі 2011 жылы пайдалануға берілді. Кешеннің құрылысы тікелей Бенкалинское кен орнында жүзеге асырылды. Өндірістің іске қосылған сәтінен бастап сомасы 1,6 млрд. теңге құрайтын 3695,7 тонна мыс өндірілді. 2015 жылдан бастап кәсіпорын өнімді шығармады.
Қазіргі уақытта кәсіпорын жұмыс істемейтін банкроттық жағдайда, өндіріс тоқтатылған, кредиторлар қатары бар, ірі кредиторы «Сбербанк» АҚ болып табылады.
2017 жылғы 21 сәуірде «KazCopper» ЖШС кредиторларының жиналысы компанияның жеделдетіп қалпына келу және банкрот деп тану рәсімін тоқтату туралы келісімге келді.
Бірақ, 2017 жылы 29 тамызда Ақтөбе облыстық сотының Азаматтық істер жөніндегі Алқасының қаулысы шешімімен, 2017 жылғы 26 маусымдағы Ақтөбе облысы мамандандырылған ауданаралық экономикалық сотының компанияны банкрот деп тану шешімі өзгеріссіз, өтініш берушінің, қарыз өтеушінің, кредитордың апелляциялық шағымдары қанағаттандырусыз қалдырылды.
Осыған байланысты, Қазақстан Республикасының Азаматтық іс жүргізу кодексінің 434, 435, 436-баптарына сәйкес, "KazCopper" ЖШС ҚР Жоғарғы Сотына 6 ай ішінде кассациялық шағымдану азаматтық іс жүргізу заңнамасындағы кепілдік құқығын пайдалануды және қалыптасқан сот актілеріне прокурорлық наразылық енгізуге ҚР Бас Прокуратурасына өтініш хатпен жүгінуге жоспарлауда.
«Эдеми» ЖШС
«Эдем» ЖШС тоқыма фабрикасы 1966 жылы Ақтөбе қаласында іске қосылды. Кәсіпорында тоқыма бұйымдарын өндіруге болады. Қажетті өндірістік инфрақұрылым бар, жалпы қөлемі 3,2 га, өндірістік үй-жайлардың жалпы көлемі 24,5 мың шаршы метрді құрайды, оның 11 мың шаршы метрі жұмыспен қамтылған. Алайда, ескірген құрал-жабдықтардың ескілігіне байланысты шығарған дайын өнімнің құны қымбат. Кәсіпорын басшылығы ұзақ мерзімді жалдауды немесе бірлескен өндірісті қарастыруда. Бүгінгі күні, компанияның ғимараттары жалға беріледі. Ағымдағы жылдың мамыр айында әлеуетті инвесторлар кәсіпорынды қарады, қызығушылық көрсетіліп осы бағытта келіссөздер жалғасуда.
«Ақтөбе-Айнек» ЖШС
«Ақтөбе-Айнек» ЖШС «МТС Трактор» ЖШС-нің өндірістік алаңдарын сатып алған. «Ақтөбе» ӘКК »ҰК» АҚ жобаға ӘКК-нің қатысуы үшін шарттардың бірі «Қуаты 600 тонна жылжымалы шыны өндірісі зауытының құрылысы» жобасына қатысуға жоспарланған болатын, жобаға ӘКК-нің қатысуының бірі шарттары қауіпсіз шыны және энергияны үнемдейтін оқшаулағыш әйнек өндірісін ұйымдастыру үшін ғимарат нысанында мүлікке қосымша үлес қосу болып табылады. Осы шартты іске асыру үшін ӘКК 1988 жылы салынған тозған бөлшектерді қалпына келтіруге арналған шеберхана сатып алды, 0,5 гектар жер учаскесі және жалпы көлемі 5,6 мың шаршы метр. Мүлік «Ақтөбе-Айнек» ЖШС-нің жарғылық капиталына аударылды (ӘКК жарғылық капиталының 100%).
“Керамика” АҚ
«Керамика» АҚ кәсіпорыны 1993 жылы Хромтау қаласында едендер мен қабырғаларға арналған керамикалық плиталарды шығару үшін құрылды. Жер учаскесінің жалпы көлемі - 13 гектар, өндірістік алаңның ауданы 16 мың шаршы метрді құрайды, уақыт өте келе технологиялық прогресс бұл кәсіпорынға әсер етті. Өндірілетін өнім нарықта сұранысқа ие болмады, ал дизайны бойынша артта қалды.
Қазір инвесторларды іздеу жұмыстары жүргізілуде.